可贖回NFT

香港中環Dragon-i餐廳舉行的Rebirth NFT派對，介紹Ceilidhs威士忌品牌，以NFT形式發售。

電腦J手記

上星期，Equinix老總Larry Tam食飯，他出了一條題目，是過去幾十年有乜嘢從無跌價？答案意然係威士忌。

雖然全球有不少新地區生產威士忌，但Larry只對鍾情蘇格蘭威士忌，雖然威士忌一向不公佈產量，但幾乎係穩賺不賠的低風險投資，至少比科技股好得多，加上威士忌有固定生產的步驟及陳釀過程，而其他酒類則有唔同方法增產，好似香檳就幾乎要幾多，就可以釀幾多。近年日本威士忌升幅驚人，有年份威士忌更身價百倍。

此係威士忌有唔少限制，所以名牌威士忌紛紛開始以NFT出售，數碼貨幣可分割，令更多人可以參與投資在威士忌，好似股份拆細一樣。過去幾個星期，幾乎各大威士忌都推出限量版NFT，最包括皇家禮炮（Royal Salute）、The Dalmore、Glenfiddich等等。

較早前，被稱為威士忌領航者的麥卡倫MACALLAN的一桶1991年The Macallan特別版，結果以二百三十萬美元在拍賣沽出，以麥卡倫最著名的雪莉桶的陳釀，屬於雙倍容量木桶，大約有600瓶30年MACALLAN，再加上藝術家Trevor Jones一幅數碼化油畫The Angel’s Share。如果不計數碼藝術品，每樽大約2,555美元。

威士忌The Angel’s Share是木桶本身不像密封起來的玻璃瓶，是會隨著時間而自然蒸發的酒精比例；大約每年2%，所以被戲稱為「天使的享用」，所以化成NFT，亦會自然減少。

Macallan在全球首個威士忌NFT交易所發行由Metacask負責，呢個平台從2021年成立，現時支援愛爾蘭及日本威士忌，更計畫大規模發行酒莊存貨，不過威士忌入樽則由投資者負責，可能再變成另一種NFT，再交由佳得士或蘇富比拍賣。

上星期，香港中環Dragon-i餐廳舉行Rebirth NFT則利用威士忌，再加上元宇宙（Metaverse）概念，發行可贖回NFT可以買賣威士忌，亦包括未來虛擬世界入場券。

可贖回NFT應用在奢侈品及藝術買賣，亦可應用在其他期貨，甚至係酒花及其他限量版商品，甚至係Nike及Adidas波鞋。不過，類似NFT如何保證贖回，商品又可能在不同司法管轄區，例如酒莊破產，或者擁有權爭議，如何可以解決？可能尚未有先例可援。

可贖回NFT前途大好，短期內仍有一定限制，首先可贖回NFT投資，必須有市場規範，甚至保障投資者及確保贖回或保險機制，否則一次意外，投資者信心盡失，咁就玩完。